a boy called BEN

everybody luv go a dance
dem mek di music get to dem
mi nuh guh out so often
everybody luv dem fren dem lauhg an talk
but mi nuh do dat
but yuh know wah nice wen mass frankie tell wi duppy story me, jill, an mi likkle bredda a him get fraid sometime
everybody luv go a school but school a nightmare fi mi
an every body luv drss up an gu out dem sweet up an neat up but di real ting a wen mi an mi likkle bredda play african princess mi dress up like a princess an mi caan cum out a mi palace him a di man wah cum rescue mi
everybody sidung up an chatt pan phone whole nite
mi nuh si what dem ha fi chat bout suh
an who not chattin deh tex den dat a di nex ting
but mi an mi bredda sidung
an pray seh wi fine wi famly
mummy lef wi an daddy nat even know seh people like we deh bout
mi bredda a di only smaddi mi did hav
but yesideh im de pan him bicycle an a man jus feel seh him fi kill smaddi him walk up to mi bredda an open fiya
an dat was di en of a likkle boy dem use to call BEN


by tammie
posted on 08/08/2007